Gjuha Shqipe është gjuha zyrtare.
Kjo gjuhë është një degë e familjes Indo-Evropiane. Ajo është një gjuhë linguistikisht e dallueshme, e cila nuk rrjedh apo nuk është e lidhur dhe e ngjashme me gjuhë të tjera Indo-Evropiane.
Me prejardhje nga Ilirishtja, gjuha Shqipe ka ruajtur origjinalitetin e vet dhe përgjatë shekujve ka mbetur e pa ndikuar nga gjuhët e tjera.
Prej dokumentave të shkruar të shekullit të XV-të, të cilët njihen si më të vjetrit deri më sot, në gjuhën shqipe dallohen dy dialekte kryesorë:
Gegërishtja, e cila flitet në veri të vendit
Toskërishtja e cila flitet në jug të vendit.
Në Berat flitet dialekti i Toskërishtes.

Besimet kryesorë në Shqipëri janë tre: ai islam, Ortodoks dhe Katolik.
Nën Perandorinë Romake, feja e praktikuar qe Katolicizmi. Pas shekullit të IV-rt, Ortodoksia zëvendësoi katolicizmin, i cili mbijetoi në pjesën veriore dhe veri-lindore të vendit. Nën pushtimin e Prendorisë Otomane hyri Islami, i cili dominoi më pas në shumicën e vendit. Gjatë rregjimit komunist praktikimi i fesë nuk ishte i lejuar, kështu që breza ateistësh u edukuan gjatë kësaj kohe.
Në Berat besimet kryesorë janë besimi Ortodoks, besimi Islam dhe ai Bektashian, i cili është një sekt i besimit Islam.
Më shumë se 50% e popullsisë vjen nga familje me prejardhje Islame dhe kryesisht i përket sektit Bektashian. Një pjesë e mirë e popullsisë është ateiste. Sekti Bektshian ka lindur rreth shekullit XVII-XVIII në Malin e Tomorrit. Figura e shenjtë e këtij sekti është Abaz Aliu.

---